狗疫苗時間表：幼犬幾時打針、打咩針、成犬加強針

核心疫苗防咩病

• 犬瘟熱：高燒、咳、抽筋，死亡率高
• 犬細小病毒：劇烈嘔吐、血便，幼犬幾日內可以致命，元朗區每年都有個案
• 犬傳染性肝炎
• 副流感
• 鈎端螺旋體病：經老鼠尿液傳播，可傳人，香港常見，多數包喺混合針內
• 狂犬病：法例規定，見「狗牌及晶片」一文

幼犬時間表

幼犬要打足三針，因為母乳抗體會干擾疫苗，冇人知道抗體幾時消失，所以要隔幾星期補針直至 16 週。

幾時可以落街

最後一針後 1 至 2 星期 先算有完整保護。之前可以抱住出街、去朋友屋企同已打齊針嘅狗玩，做社交訓練，但避免公園草地、狗聚集嘅地方同陌生狗嘅糞便。

非核心疫苗

• 犬舍咳（Bordetella）：寄宿、日託、美容或經常同其他狗接觸嘅狗建議接種。
• 其他按生活習慣同獸醫評估。

打針前後

• 打針當日狗要健康：有腹瀉、發燒、食慾差就要延後。
• 打針後留院 20 至 30 分鐘觀察即時反應。
• 48 小時內可能有輕微疲倦、針口腫；面部腫脹、嘔吐、風癩請即致電。
• 打針後 5 至 7 日避免洗澡同劇烈運動。

錯過咗加強針

唔使由頭打過。一般補一針就可以，相隔太耐（超過一年以上）先需要兩針。帶埋舊紀錄卡嚟，我哋會安排。

本院安排

幼犬套餐包括三針混合疫苗、狂犬病針、晶片、領牌、杜蟲同身體檢查，預約時會有書面報價。